Заробкі супрацоўнікам на 1 лютага ня выплацілі 77 прадпрыемстваў Віцебскай вобласьці, паведамляе Нацыянальны статыстычны камітэт. Сярод даўжнікоў перад работнікамі - ААТ "Клясыка індустрыі моды", ААТ "Сьцяг індустрыялізацыі", камбінат ядвабных тканін, завод "Эвістар", прадпрыемства вылічальнай тэхнікі і інфарматыкі (Віцебск), Гарадоцкі льнозавод, прадпрыемства "Салодкая краіна" (Ворша), ААТ "Купцовъ" (Глыбокае), цэлы шэраг сельскагаспадарчых прадпрыемстваў у раёнах вобласьці.

Пра гэта паведаміла чытачка сайту charter97.org Алена Рызо. Яе бацька-пэнсіянэр жыве ў доме па вуліцы Чарняхоўскага, 12 у Віцебску, спраўна плаціць за капітальны рамонт дому, а рамонту, як такога, усё няма і няма.

У студзені супрацоўнікі Камітэту дзяржкантролю праверылі шэраг гандлёвых пунктаў у Віцебскім і Гарадоцкім раёнах. За пастаўку ў крамы Віцебскай вобласьці прадукцыі зь мінулымі тэрмінамі прыдатнасьці да адказнасьці прыцягнутыя 10 вінаватых асобаў.

Службы занятасьці Віцебскай вобласьці адзначаюць павелічэньне патоку грамадзян, якія хочуць зарэгістравацца ў чарзе на працаўладкаваньне на тле абвешчанай барацьбы з дармаедствам. Пра гэта паведаміла намесьніца старшыні камітэту па працы, занятасцi i сацыяльнай абароне аблвыканкаму - начальніца ўпраўленьня пэнсійнага забесьпячэньня Натальля Хваль перад пачаткам выніковай калегіі камітэту.

Былы супрацоўнік ДАІ правядзе 4 гады ў калёніі ўзмоцненага рэжыму за хабар у 1000 даляраў ЗША. Таксама ў асуджанага канфіскавалі маёмасьць.