17 лютага, у той самы дзень, калі эканамічны суд прызначыў на Віцебскае ААТ «КІМ» часовага ўпраўляючага, каля 30 работнікаў вязальнага цэху падалі калектыўную скаргу ў пракуратуру. Кімаўцы скардзяцца ў гарадзкую пракуратуру на тое, што ім яшчэ не выплачаная заработная плата за лістапад і сьнежань 2014 году.

Віцебскім абласным судом вынесены прысуд былым пракурору Шумілінскага раёну і яго намесьніку, абвінавачаным ва ўчыненьні злачынства, прадугледжанага часткай 3 артыкулу 430 КК. Справа слухалася ў закрытым судовым паседжаньні.

Адказы на звароты грамадзян павінны быць вычарпальнымі. Такое меркаваньне па выніках наўпроставай лініі 14 лютага выказаў першы намесьнік старшыні Віцебскага аблвыканкаму Генадзь Грабнёў.

Органы пракуратуры Віцебскай вобласьці сумесна з органамі санітарнага нагляду ў пэрыяд навагодніх і калядных сьвятаў правялі рэйдавыя мерапрыемствы па аб'ектах гандлю з мэтай выяўленьня парушэньняў заканадаўства аб абароне правоў спажыўцоў, а таксама ў санітарна-эпідэміялягічнай сфэры, паведамілі ў Генпракуратуры.

Праваабаронца Павал Левінаў атрымаў паведамленьне пра тое, што скарга распаўсюдніка газэты «Віцебскі кур'ер» Міхаіла Жураўлёва зарэгістраваная. Упраўленьне Вярхоўнага Камісара па правох чалавека ААН праінфармавала пра рэгістрацыю пад нумарам 2495/2014 пададзенага на разгляд КПЧ паведамленьня згодна з Факультатыўным пратаколам да Міжнароднага пакту аб грамадзянскіх і палітычных правох.