Суд Кастрычніцкага раёну Віцебска 20 ліпеня прызнаў вінаватай чыноўніцу аблвыканкаму Вікторыю Дубко ў сьмерці чалавека на пешаходным пераходзе ў верасьні 2011 года. Абвінавачаная сваёй віны не прызнала. Вырак суду – абмежаваньне свабоды на 5 гадоў без накіраваньня ў папраўчую ўстанову (так званая хатняя “химия”) з пазбаўленьнем права займацца дзейнасьцю, зьвязанай з кіраваньнем транспартнымі сродкамі (таксама на 5 гадоў).

У Віцебскім абласным судзе разглядалася касацыйная скарга сябра “Маладога Фронту” Яўгена Гуцалава, які 4 ліпеня за распаўсюд улётак з заклікам байкатаваць маючыя адбыцца выбары судьдзёй Кастрычніцкага райсуду Віцебску Інай Грабоўскай быў пакараны штрафам. Судовае паседжаньне ў аблсудзе працягвалася толькі тры хвіліны. Скарга актывіста задаволеная не была. Цяпер Яўген Гуцалаў мусіць сплаціць дзяржаве 2,4 млн. рублёў.

У пятніцу, 6 ліпеня, пачаліся земляныя работы на перакрыжаваньні вуліц Азёрнай і Леніна ў Глыбокім. Спрабуючы пашырыць вуліцу Азёрную, коўш "Амкадора" вывернуў з адкосу чалавечыя парэшткі. Некаторыя зь іх былі сабраныя работнікамі ЖКГ, але пасьля працоўнага дня ўскраек вуліцы выглядаў красамоўна(гл.фота). На ўсім працягу зрэзанага адкосу праз кожныя 1,5-2 метры - фрагменты чалавечых шкілетаў. Старажытныя могілкі, пра існаваньне якіх не памятаюць нават старажылы, нагадалі аб сабе.

30 чэрвеня ў судзе Кастрычніцкага раёну Віцебску распачаўся разгляд справы Алены Семенчуковай. Актывістку “Эўрапейскай Беларусі” абвінавачваюць ў правапарушэньні, прадугледжаным артыкулам 23.34 адміністрацыйнага кодэксу, - “парушэньне парадку арганізацыі або правядзеньня масавых мерапрыемстваў”. Яе судзяць паводле часткі 3 згаданага артыкулу КаАП