У Віцебску актывісты “Беларускай хрысьціянскай дэмакратыі” 11 сьнежня, у дзень, калі ў 1991 годзе Вярхоўны Савет Беларусі зацьвердзіў эталёны дзяржаўных сымбаляў, правялі чарговую акцыю. Яны прымацавалі бел-чырвона-белы сьцяг да тралейбусу №5, дзякуючы чаму шматлікія жыхары гораду ўпершыню за доўгі час змаглі пабачыць нацыянальны сьцяг.

Гарвыканкам дазволіў Віцебскаму гарадзкому камунальнаму ўнітарнаму вытворчаму прадпрыемству водаправодна-каналізацыйнай гаспадаркі часовае адхіленьне ад гігіенічных нарматываў якасьці пітной вады. Рашэньне прынятае 19 кастрычніка і павінна дзейнічаць да 1 жніўня 2013 году.

Жыхары вёскі Паўлавічы каля Віцебску пазбавіліся дамоў літаральна за два дні - іх падпалілі і тут жа зьнесьлі, паводле рашэньня раённай адміністрацыі. Усе выселеныя з дамоў у вёсцы Паўлавічы яшчэ 20 гадоў таму атрымалі жыльлё і кампэнсацыі, заявілі ў Віцебскім гарвыканкаме. Аднак жыхары вёскі сьцьвярджаюць, што частку дамоў яны выкупілі назад, і зьбіраюцца ісьці ў суд.

Штогод 10 сьнежня адзначаецца ва ўсім сьвеце як Дзень правоў чалавека. Напярэдадні гэтай даты карэспандэнт «Дыялёгу» пагутарыў зь вядомым віцебскім праваабаронцам Леанідам Сьвецікам.

У Віцебску на гэтым тыдні чакаюць Аляксандра Лукашэнку. Ён можа наведаць віцебскі дрэваапрацоўчы камбінат. У гэтым раёне і затрымалі журналіста Сяргея Серабро.