Свабоднаму прафсаюзу заводу «Шкловалакно» полацкі райвыканкам забараніў правядзеньне пікету 7 кастрычніка ў Міжнародны дзень барацьбы за годную працу. Дэмакратычныя прафсаюзы Беларусі ў гэты дзень традыцыйна арганізуюць розныя мерапрыемствы з патрабаваньнем годных умоваў працы, павышэньня заробку і гарантаваных працоўных месцаў.

Судзьдзя Кастрычніцкага райсуду Віцебску Ўладзімер Царыкаў прызнаў пікетаваньне, праведзенае 27 ліпеня насупраць летняга амфітэатру кандыдатамі ў дэпутаты Тацянай Севярынец, Георгіем Станкевічам і Аленай Шабуняй, несанкцыянаваным масавым мерапрыемствам.

У траўні ў мэдыях паведамлялася пра адпраўкі беларускіх дзяцей зь Віцебскай вобласьці на трэніроўкі да расейскіх нэанацыстаў, які маюць досьвед вайны на Данбасе. Тады Міністэрства ўнутраных спраў распачало праверку агучаных фактаў, адрэагаваў абвяржэньнем Сынод Беларускага Экзархату РПЦ. Але што ж у выніку сталася з тымі клюбамі?

Кандыдат у дэпутаты ад партыі левых «Справядлівы сьвет» Вадзім Кузьмін абвінавачваўся акруговай камісіяй у прычыненьні матэрыяльнай шкоды на суму 3 рублі 45 капеек. Разгляд справы аб зьдзяйсьненьні адміністрацыйнага правапарушэньня ў судзе Чыгуначнага раёну гораду Віцебску працягваўся паўтары гадзіны, абвяшчэньне пастановы судзьдзём Юрыем Урбанам заняло менш за дзьве хвіліны.

Назіральнік ад БХК Юры Бельскі падаў у камісію скаргу на тое, што жыхарцы Полацку выдалі бюлетэнь для галасаваньня, хаця яна не зьяўляецца грамадзянкай Беларусі.