«Лічым, што ва ўмовах дыктатуры выбары немагчымыя па сваёй сутнасьці. Мы будзем прапанаваць выбаршчыкам байкатаваць незаконныя выбары ў "кішэнную палатку"», – гэтак чацьвёра сябраў КХП-БНФ напісалі ў сваіх заяўках на пікеты, пададзеных у адміністрацыі ўсіх раёнаў Віцебску.

16 жніўня ў судзе гораду Наваполацку распачаўся разгляд крымінальнай справы, заведзенай на сына бабруйскага блогера Алега Жалнова – Аляксея Мілюкова (Жалнова), які адбывае трохгадовае пакараньне ў Наваполацкай папраўчай установе адкрытага тыпу №15.

З 15 жніўня Віцебскі абласны суд пачаў разглядаць скаргі грамадзянскіх і партыйных актывістаў на адмовы акруговых выбарчых камісіяў зарэгістраваць іх у якасьці кандыдатаў у дэпутаты беларускага парлямэнту. За першы дзень працы суду былі разгледжаныя скаргі двух прэтэндэнтаў на месцы ў Палаце Прадстаўнікоў, Мікалая Манохіна і Сяргея Васільева.

Паведамленьні пра гэта атрымалі Тацяна Севярынец, Алена Шабуня і Георгі Станкевіч, якіх абвінавачвалі ў правядзеньні несанкцыянаванай акцыі 27 ліпеня.

12 жніўня ў «Эўрапейскім клюбе» Віцебску на прапанову грамадзянскай ініцыятывы «Жанчыны супраць фальсыфікацыяў» адбылася сустрэча ўдзельнікаў ініцыятывы з шэрагам зарэгістраваных кандыдатаў у дэпутаты ад дэмакратычных партыяў і рухаў Віцебшчыны.