Сябру БСДП Аляксею Жалнову-Мілюкову 29 чэрвеня наваполацкі сьледчы Аляксей Збароўскі прад'явіў абвінавачаньне ва ўхіленьні ад пакараньня (артыкул 415 КК). Апазыцыйныя партыйныя актывісты лічаць, што Аляксея перасьледуюць за яго актыўную абарону сваіх правоў і за грамадзкую дзейнасьць яго бацькі Алега Жалнова, які зьбіраецца вылучацца кандыдатам у дэпутаты Палаты прадстаўнікоў.

24 чэрвеня ў межах сьвяткаваньня тысяча сорак другой гадавіны заснаваньня Віцебску адбылося ўрачыстае адкрыцьцё помніку Аляксандру Неўскаму, ягонай жонцы віцебскай княгіні Аляксандры і іхнаму сыну Васілю. На плошчы Тысячагодзьдзя а пятнаццатай гадзіне распачалася тэатралізаванае дзея, прымеркаваная да гэтай падзеі.

Гісторык Алесь Краўцэвіч лічыць, што ў Беларусі ідзе супрацьстаяньне дзьвюх плыняў чыноўнікаў – нацыянальнай і прарасейскай. Помнік Аляксандру Неўскаму ў Віцебску – гэта адказ прарасейскай плыні на ўсталяваньне помніку Альгерду, які зьявіўся ў Віцебску ў 2014 годзе.

Філіялу "Аўтобусны парк №1 г. Віцебску" ААТ "Віцебскаблаўтатранс" і УКТП "Віцебскае трамвайна-тралейбуснае ўпраўленьне" дадзеныя ўказаньні надаць адмысловую ўвагу выкананьню патрабаваньняў ПДР пры выпуску рухомага саставу на лінію. Пра гэта гаворыцца ў адказе начальніка аддзелу жыльлёва-камунальнай гаспадаркі Віцебскага гарвыканкаму Сяргея Саглаева на зварот каардынатара аргкамітэту партыі БХД Тацяны Севярынец.

Адміністрацыя Полацкага гісторыка-культурнага музэю-запаведніку адмаўляецца працягваць кантракт з актывісткай руху «За свабоду» Вольгай Дамаскінай. Яна заявіла кіраўніцтву пра сваё жаданьне балятавацца у парлямэнт і лічыць звальненьне палітычна матываваным.