Судовы разбор паводле адміністрацыйнай справы чакае віцебскага апазыцыянэра за публічнае выражэньне сваёй любові да беларушчыны. На імпрэзу, прысьвечаную 86-й гадавіне Ўладзімера Караткевіча, ён прыйшоў з нацыянальным беларускім сьцягам, што зь меркаваньня праваахоўнікаў ёсьць парушэньнем заканадаўства.

Шаркоўшчына падпісала «Пагадненьне мэраў». Цырымонія адбылася ў межах міжнароднай канфэрэнцыі, прысьвечанай спрыяньню стабільнаму разьвіцьцю дзяржаў Усходняга партнэрства, якая адбылася ў кастрычніку ў Ерэване.

Увечары 19 лістапада ў «Эўрапейскім клюбе» адбылася сустрэча з сустаршынём аргкамітэту па стварэньні партыі «Беларуская хрысьціянская дэмакратыя» Паўлам Севярынцам і аўтарамі «Беларускай хрысьціянскай азбукі», якую ўпершыню прэзэнтавалі ў Віцебску.

10 лістапада ў Аршанскім судзе судзьдзя Іна Кохава пакарала сябра партыі БНФ Віталя Паўлава штрафам у памеры дзьвюх базавых велічыняў за «нецэнзурную лаянку» на выбарчым участку падчас сёлетняй парлямэнцкай кампаніі. Паводзіны апазыцыйнага актывіста былі кваліфікаваныя, як адміністрацыйнае правапарушэньне паводле артыкулу 17.1 КаАП («Дробнае хуліганства»).

З прапановай ініцыяваць мясцовае народнае галасаваньне зьвяртаўся да «народных абраньнікаў» гарадзкога ўзроўню праваабаронца Леанід Сьвецік. На яго думку, такое галасаваньне сьцішыла б жарсьці вакол будаўніцтва ў Віцебску Сафійскага сабору.