Прадстаўнікі партыяў і грамадзкіх арганізацыяў Віцебску вырашылі адзначыць ўгодкі Ўладзімера Караткевіча – сабраліся 26 лістапада каля помніку славутаму пісьменьніку. Чытаньне вершаў і выступы аматараў творчасьці пісьменьніка міліцыя расцаніла як несанкцыянаванае масавае мерапрыемства. Прысутным давялося разыходзіцца перад пагрозай быць затрыманымі.

У ноч з 25 на 26 лістапада каля аўтастрады ўздоўж віцебскага мікрараёну на лініі электраперадач зьявіўся бел-чырвона-белы сьцяг. Паводле апазыцыянэра Барыса Хамайды, які спасылаецца на вартыя даверу крыніцы, да сьцягу была прымацаваная цыдулка.

Віцебскі аблвыканкам мае намер выходзіць на відэасувязь з жыхарамі вобласьці для вырашэньня іх надзённых праблем. Пра гэта журналістам пасьля наўпроставай тэлефоннай лініі з жыхарамі рэгіёну паведаміў старшыня Віцебскага аблвыканкаму Аляксандар Косінец.

У Віцебску на сьценах дамоў і гаражоў зьявіліся трафарэтныя графіці сацыяльна-палітычнага зьместу. Так, адно з пасланьняў мінакам катэгарычна сьцьвярджае: «Бухают рабы».

Каардынатарка віцебскага абласнога аргкамітэту БХД Тацьцяна Севярынец 23 лістапада падала дакумэнты ў Галоўнае ўпраўленьне юстыцыі Віцбскага аблвыканкаму на рэгістрацыю абласнога грамадзкага аб’яднаньня “Хрысьціянскія дэмакраты Віцебшчыны”. Яна таксама паведаміла, што на ўладальніка памяшканьня, у якім плянуецца зарэгістраваць арганізацыю, ціснулі з мэтай змусіць яго адмовіцца даць памяшканьне.