Яшчэ ў верасьні 2014 году, падчас вострай стадыі збройнага канфлікту на ўсходзе Ўкраіны, віцебскі праваабаронца Леанід Сьвецік зьвярнуўся ў гарадзкі выканаўчы камітэт. Ён прасіў паведаміць яму адрас найбліжэйшага абсталяванага бамбасховішча. Каб атрымаць уцямны адказ, спатрэбіўся час.

Суд Чыгуначнага раёну Віцебску адмовіў праваабаронцу Паўлу Левінаву ў задавальненьні скаргі на дзеяньні намесьніцы кіраўніка раённай адміністрацыі Натальлі Ляпёшкінай, якая забараніла яму правядзеньне паўгадзіннага пікету.

Тлумачыць палажэньні дэкрэту №3 «Аб папярэджаньні сацыяльнага ўтрыманства» жыхарам Віцебску праваабаронца Леанід Сьвецік меў намер 15 лютага падчас пікету, заяўку на правядзеньне якога ён падаваў у адміністрацыю Чыгуначнага раёну гораду. Аднак, чакана, заяўку мясцовыя ўлады не задаволілі і пікет забаранілі.

У Рэспубліцы Беларусь распрацоўваецца праект дэкрэту прэзыдэнта, які прадугледжвае абмежаваньне месцаў продажу электронных парагенэратараў (электронных цыгарэтаў) і вадкасьцяў да іх, а таксама забарону іх продажу асобам, якія не дасягнулі 18 гадоў. Такі адказ атрымаў віцебскі праваабаронца Леанід Сьвецік зь Міністэрства гандлю, куды зьвярнуўся з адпаведнай прапановай.

На ўліку ў першаснай арганізацыі Свабоднага прафсаюзу Беларускага (СПБ) заводу ААТ «Полацак-Шкловалакно» знаходзяцца 369 сябраў Свабоднага прафсаюзу. Якія захады рабіла пяршоўка дзеля абароны сацыяльна-эканамічных інтарэсаў работнікаў – пра гэта распавялі нам прафсаюзныя лідэры прадпрыемства.