4 верасьня старшы сьледчы трэцяга сьледчага аддзяленьня Віцебскага гарадзкога аддзелу Сьледчага камітэту К. Казімірская выклікала па тэлефоне лекара-псыхіятра Ігара Пастнова на допыт у межах крымінальнай справы, распачатай паводле часткі 1 артыкулу 400 КК – «заведама фальшывы данос аб зьдзяйсьненьні злачынства». З габінэту сьледчага лекара-псыхіятра прымусова адправілі ў «Навінкі» для праходжаньня стацыянарнай псыхіятрычнай экспэртызы.

Група навучэнцаў і выкладчыкаў гімназіі нямецкага Нінбургу дапамагае ў добраўпарадкаваньні тэрыторыі колішняга Віцебскага гета і іншых знакавых для габрэйскай грамады мясьцін, паведаміў дырэктар СШ №21 Сяргей Зыбін.

«Дзеяньні вашы слушна кваліфікаваныя паводле ч. 1 арт. 23.34 КаАП... Падставаў да адмены, зьмены пастановаў ня маецца», – такую выснову зрабіў старшыня абласнога суду Мікалай Хамічонак, разгледзеўшы наглядную скаргу праваабаронцы Леаніда Сьвеціка, пакаранага 15-цю суткамі адміністрацыйнага арышту за ўдзел у мерапрыемствах, што прайшлі ў Віцебску 25 і 26 сакавіка.

«Віцебская вясна» працягвае знаёміць чытачоў з умовамі знаходжаньня ў ізалятарах часовага ўтрыманьня. Журналіст Арцём Сізінцаў асьвятляў веснавыя акцыі пратэсту і суды над іх удзельнікамі ня толькі ў сваёй роднай Воршы, але і ў Магілёве, і ў Віцебску. Супрацоўнікі праваахоўных органаў ацанілі актыўнасьць рэпартэра – ён быў затрыманы 25 сакавіка за Дзень Волі ў Віцебску. Суд прызначыў Арцёму 10 сутак арышту.

11 ліпеня ў судзе Глыбокага завяршыўся разбор крымінальнай справы пра незаконную міграцыю, у арганізацыі якой абвінавачваліся грамадзянін Вялікай Брытаніі Алан Сьміт і двое грамадзян Беларусі. Судзьдзя перакваліфікаваў абвінавачаньне ў дачыненьні да англічаніна з часткі 2 артыкулу 371¹ КК на больш мяккую частку 1 і прысудзіў яго да двух гадоў зьняволеньня ва ўмовах агульнага рэжыму.