На полацкам вытворчым аб’яднаньні “Полацак-Шкловалакно” ствараецца адзіная прафсаюзная камісія для падпісаньня калектыўнай дамовы з адміністрацыяй. Чальцы суполкі Свабоднага прафсаюзу, якая дзейнічае на прадпрыемстве, ужо вызначыліся з асобай, якая будзе іх прадстаўляць у гэтай камісіі.

Восеньскі прызыў ва Ўзброеныя Сілы Рэспублікі Беларусь у самым разгары. Менавіта ўвосень прызываецца дзьве траціны беларускіх маладзёнаў, апошнія зь якіх 30 лістапада мусяць трапіць у вайсковыя часткі.

Эканамічны суд Віцебскай вобласьці прыцягнуў да адміністрацыйнай адказнасьці індывідуальнага прадпрымальніка, які прыняў 200 эўра у якасьці авансу за рамонт аўтамабіля. Якасьць паслуг прадпрымальніка не задаволіла кліента, і той зьвярнуўся з заявай у кантрольны орган.

Аднавіць на працы Аксану Мушкат і выплаціць ёй грашовую кампэнсацыю ў памеры больш за восем мільёнаў беларускіх рублёў – такое рашэньне вынес судзьдзя Глыбоцкага раённага суду Станіслаў Трапук у дачыненьні да Глыбоцкай жыльлёва-камунальнай гаспадаркі.

У Віцебскім абласным судзе 16 лістапада будзе разгледжаная скарга наконт пытаньня прызнаньня факту дыскрымінацыі ў працоўных адносінах. Раней суд Полацку адмовіўся прызнаваць факт дыскрымінацыі ў дачыненьні да былога рабочага ААТ «Полацак-Шкловалакно» Віктара Стукава за ўдзел у Свабодным прафсаюзе, на гэтае рашэньне і пададзеная скарга ў Віцебск.