Усе мерапрыемствы, якія віцебскія актывісты праваабарончага руху хацелі правесьці на пачатку сьнежня, былі альбо забароненыя, альбо праігнараваныя дзяржаўнымі сродкамі масавай інфармацыі і органамі мясцовай улады.

Бадай, няма такога жыхара Віцебску, які б ня бачыў графіці ў выкананьні стрыт-арт-групы StreetSkills, што раз-пораз зьяўляюцца на сьценах будынкаў гораду. Зьвярнуў увагу на гэтыя творы мастацтва і праваабаронца Леанід Сьвецік. На яго думку, імкненьне маладых мастакоў аздобіць гарадзкі ляндшафт можна толькі вітаць, але зьмест графіці выклікае заклапочанасьць – і пра гэта ён напісаў у ідэалягічны аддзел гарвыканкаму.

Пагаршэньне эканамічнай сытуацыі ў краіне адбіваецца на ўсіх катэгорыях насельніцтва. Якім чынам гэты адмоўны працэс закрануў дробных прадпрымальнікаў, наш карэспандэнт вырашыў даведацца ў гандляроў, што працуюць на Полацкім рынку ў Віцебску.

Работнікі ААТ «Гарадоцкі райаграпрамснаб» у сераду раніцай заявілі пра страйк. Прычына – іх прадпрыемства зьбіраюцца прызнаць банкрутам. Страйкоўцы з гэтым ня згодныя, таксама яны патрабуюць захаваць працоўныя месцы. На думку работнікаў, цяпер у Гарадоцкім раёне вакансіяў для 168 чалавек з «Райаграпрамснабу» няма. Апроч таго, людзі баяцца страціць і службовае жытло.

Пікеты, заяўкі на правядзеньне якіх Павал Левінаў падаваў у адміністрацыі Чыгуначнага і Першамайскага раёнаў Віцебску, мусілі прайсьці 10 сьнежня, у Міжнародны дзень правоў чалавека. Улады забаранілі іх, нягледзячы на тое, што працягласьць кожнай зь дзьвюх акцыяў, у адпаведнасьці з заяўкамі, складала б толькі... адну сэкунду.