Студэнты Віцебскага дзяржаўнага станкаінструмэнтальнага каледжу зьбіраюць подпісы пад зваротам да прэзыдэнта Беларусі Аляксандра Лукашэнкі, у якім яны просяць захаваць спортпляцоўкі, што належыць іх навучальнай установе. На месцы спартыўнай пляцоўкі каледжу Віцебскі гарвыканкам мае намер зрабіць аўтастаянку.

1 сьнежня ў Віцебскай вобласьці пройдзе суботнік. Жыхары вобласьці маюць заняцца прыборкай населеных пунктаў і навядзеньнем парадку на зямлі. Грашовыя сродкі, заробленыя ў гэты дзень на працоўных месцах, маюць быць накіраваныя на мадэрнізацыю вытворчай галіны, паляпшэньне ўмоў працы і побыту супрацоўнікаў прадпрыемстваў.

Высяленьнем царквы «Новае жыцьцё» рэжым шантажуе амэрыканскіх пратэстантаў, лічыць палітык. «Спробы выселіць “Новае жыцьцё” незаконныя і антыграмадзкія. Царква набыла кароўнік ў жахлівым стане і зрабіла зь яго выдатны малітоўны будынак. І зараз у яе забіраюць гэта памяшканьне, не прапаноўваючы ніякай годнай кампэнсацыі.

28 лістапада кіраўнік Беларускай фэдэрацыі біятлёну і былы кіраўнік КДБ Вадзім Зайцаў правёў выязную нараду па пытаньнях разьвіцьця біятлёну ў Віцебскай вобласьці.

Ворганы ўнутраных спраў Віцебшчыны плянуюць павялічыць на вуліцах гарадоў колькасць відэакамэр. Гэта істотна дапаможа ў прафіляктыцы і расьследаваньні правапарушэньняў. Цяпер адпаведнае абсталяваньне зь відэафіксацыяй ўсталяванае ў Віцебску толькі на плошчы Перамогі.