Віцебскі актывіст Кансэрватыўна-хрысьціянскай партыі - БНФ Сяргей Каваленка ў магілёўскай калёніі № 19 атрымаў характарыстыку «злоснага парушальніка рэжыму», паведаміла ягоная жонка Алена Каваленка. Ёй невядома, за якія парушэньні мужу быў прысвоены такі статус. «Факт у тым, што ў сувязі з гэтым ён атрымаў абмежаваньні на грашовыя сродкі, якія можа выдаткаваць у турме на прадукты. Калі раней ён мог мець 500 тысяч рублёў, дык цяпер толькі 100 тысяч», - заявіла Алена Каваленка.