Ля зьезду з шашы Віцебск-Лёзна ў бок крыжоў, пастаўленых у лесе грамадзкімі актывістамі ў памяць ахвяраў сталінскіх рэпрэсіяў, Віцебскі лясгас усталяваў слупок з шыльдай папераджальнага зьместу: «Увага. Вядзецца відэаназіраньне».

У межах паседжаньня калегіі пракуратуры Віцебскай вобласьці адбылося падвядзеньне вынікаў працы за першыя 6 месяцаў гэтага году і акрэсленьне задач, якія змогуць у далейшым павысіць эфэктыўнасьць нагляднай дзейнасьці ў рэгіёне.

Турфірма «Бефана», якая больш за 10 гадоў існуе ў Віцебску, закрытая. Больш за 35 заяў прыняў АБЭЗ Кастрычніцкага РАУС Віцебску. Ашуканыя кліенты пазбавіліся ўжо аплачанага адпачынку, прычым некаторыя мусілі адправіцца за мяжу ўжо найбліжэйшымі днямі.

20 і 21 жніўня ў Віцебску прайшлі трэнінгі для назіральнікаў аргкамітэту БХД кампаніі “Права выбару” па Віцебскай-Чкалаўскай выбарчай акрузе №18, дзе кандыдатам ад Правацэнтрысцкай кааліцыі ідзе прамоўца БХД Тацяна Севярынец (зарэгістраваная кандыдатам ў дэпутаты як вылучэнец ад АГП). Падрыхтавана 30 назіральнікаў.

У Аршанскім раёне дзьве акругі: Аршанская, якая аб'ядноўвае большую частку гораду, і Аршанская-Дняпроўская, якая аб'ядноўвае Аршанскі раён і частку гораду. Кандыдаты ў дэпутаты пачалі агітацыю. У горадзе зьявіліся першыя плякаты некаторых зь іх.