Увечары 27 чэрвеня на сумесным паседжаньні Віцебскага абласнога выканаўчага камітэту і Віцебскага абласнога Савету дэпутатаў была сфармаваная Віцебская абласная выбарчая камісіі па выбарах дэпутатаў у беларускі парлямэнт. Разам з тэрытарыяльнай камісіяй таксама былі сфармаваныя 14 акруговых выбарчых камісіяў.

24 чэрвеня ў межах сьвяткаваньня тысяча сорак другой гадавіны заснаваньня Віцебску адбылося ўрачыстае адкрыцьцё помніку Аляксандру Неўскаму, ягонай жонцы віцебскай княгіні Аляксандры і іхнаму сыну Васілю. На плошчы Тысячагодзьдзя а пятнаццатай гадзіне распачалася тэатралізаванае дзея, прымеркаваная да гэтай падзеі.

Пасьля таго, як помнік Аляксандру Неўскаму ў Віцебску ўсё ж усталявалі, наш карэспандэнт пагутарыў з чалавекам, які напярэдадні яго адкрыцьця выступіў супраць разьмяшчэньня яго ў гістарычным цэнтры на плошчы Тысячагодзьдзя.

Гісторык Алесь Краўцэвіч лічыць, што ў Беларусі ідзе супрацьстаяньне дзьвюх плыняў чыноўнікаў – нацыянальнай і прарасейскай. Помнік Аляксандру Неўскаму ў Віцебску – гэта адказ прарасейскай плыні на ўсталяваньне помніку Альгерду, які зьявіўся ў Віцебску ў 2014 годзе.

Беларускія дзеці на майскія сьвяты ўдзельнічалі ў велікодных міжнародных моладзевых ваенна-патрыятычных зборах у Маскоўскай вобласьці. Гэтае мерапрыемства насіла займальны характар ​​і «ня можа разглядацца як вярбоўка, навучаньне, фінансаваньне альбо выкарыстаньне наймітаў для ўдзелу ва ўзброеных канфліктах або ў ваенных дзеяньнях». Гэтак адказала беларускае МУС на пэтыцыю з патрабаваньнем праверыць, чым займаліся беларускія дзеці ў расейскім ваенна-патрыятычным лягеры.