Праваабарончы сайт «Віцебская вясна» не працуе зь вечару 30 траўня. Як нам паведамілі ў рэдакцыі сайту, прычына недасяжнасьці інтэрнэт-рэсурсу для наведвальнікаў зьвязаная, хутчэй за ўсё, не з тэхнічным збоем, а са знарочыстымі дзеяньнямі невядомых зламысьнікаў.

Прыканцы красавіка віцебскія праваабаронцы Павал Левінаў і Леанід Сьвецік пабывалі ў сталіцы Нарвэгіі горадзе Осьлё з працоўным візытам. Запрашалым бокам выступіла праваабарончая арганізацыя «Нарвэскі Хэльсынскі камітэт». Мэта візыту – азнаямленьне з досьведам работы дзяржаўных органаў і няўрадавых арганізацыяў па прыёме, адаптацыі і інтэграцыі замежных грамадзян, якія папрасілі прытулак у Нарвэгіі.

Вось ужо два месяцы з ініцыятывы доктара-псыхіятра і бескампраміснага крытыка ўладаў Ігара Пастнова на сайце change.org ідзе збор подпісаў пад пэтыцыяй у Вярхоўны суд краіны на карысьць віцебскага палітыка прарасейскага кшталту Сяргея Рыжова.

Міністэрства фінансаў апублікавала дадзеныя па даходах адкрытых акцыянэрных таварыстваў Віцебскай вобласьці. З 7 прадпрыемстваў у Лёзьненскім раёне, наконт якіх Мінфін даў інфармацыю, ніводнае не атрымала даходу за ўвесь 2015 год.

Упраўленьнем Сьледчага камітэту па Віцебскай вобласьці расьсьледуецца крымінальная справа ў дачыненьні да загадчыка катэдры ўстановы адукацыі «Віцебскі дзяржаўны ордэна Дружбы народаў мэдычны ўнівэрсытэт».