У сярэдзіне траўня, у 15-19 чыслах, з азнаямленчай паездкай Беларусь наведала польская дэлегацыя з Падляскага ваяводзтва на чале з польскім амбасадарам у нашай краіне Конрадам Паўлікам. Візыт на Мёршчыну палякі нанесьлі 18 мая.

Уласны экалягічны інфармацыйны рэсурс зьявіўся ў паўночнай вобласьці нашай краіны. Таварыства «Зялёная сетка» прэзэнтавала ў Віцебску рэгіянальны Зялёны партал – vitebsk.greenbelarus.info. Урачыстая цырымонія прайшла ў абласной бібліятэцы імя Леніна і была прымеркаваная да Сусьветнага дня аховы навакольнага асяродзьдзя, які адзначаецца 5 чэрвеня.

Віцебскі аблвыканкам прызнаў немэтазгодным далейшае дасудовае аздараўленьне даўжнікоў. Прадпрыемствы самі падалі ў суд пра прызнаньне іх банкрутамі.

Шаснаццацігадовая жыхарка Віцебску зьвярнулася ў Камітэт ААН па правох чалавека са скаргай на Рэспубліку Беларусь аб парушэньні сваіх правоў, паведаміў БелаПАН праваабаронца Павал Левінаў (на фота), які аказваў дапамогу ў падрыхтоўцы скаргі.

Эканамічны суд Віцебскай вобласьці распачаў вытворчасьць па справе аб эканамічнай неплацежаздольнасьці (банкруцтве) у дачыненьні да ДКУВП «Аршанскі завод зялезабэтонных вырабаў» і вызначыў ахоўны пэрыяд да 5 жніўня гэтага году, паведамілі ў прэс-службе суду.