Дарога ад Горацкай шашы да вёскі Стаўры мае для жыхароў стратэгічнае значэньне. Па ёй ажыцьцяўляецца праезд аўтакрамы 3 разы на тыдзень, хуткай дапамогі, газавых службаў, сацыяльных і культурных службаў, і ў летні час па ёй праяжджае ня менш за 300 аўтамабіляў у суткі.

На жаль, гэтая дарога знаходзіцца ў жудасным стане. За апошнія 20 гадоў усе спробы рамонту гэтай дарогі зводзіліся да грэйдаваньня. У выніку пясчана-жвіровы насып амаль цалкам нівэляваны. Апошні пласт жвіру прыбраны 24 сьнежня 2015 году, пасьля чаго па самым цэнтры праезнай часткі ўтварыліся глыбокія рытвіны.

Шматлікія звароты наконт гэтага пытаньня ў Бабініцкм сельвыканкам, Аршанскі райвыканкам, Віцебскі аблвыканкам не далі ніякага практычнага выніку. Жыхары вёскі Стаўры спадзяюцца на прэзыдэнта.

orsha.eu