Пра гэта ён распавёў жонцы па тэлефоне. Яму дазволілі патэлефанаваць дадому толькі пасьля таго, як Алена Каваленка наведала ў мінулую пятніцу дэпартамент выкананьня пакараньняў і паскардзілася на тое, што ня мае ад мужа ні лістоў ні званкоў…

22 жніўня ў Менскім гарадзкім судзе пасьля шматмесячнага перапынку працягнуўся судовы працэс па справе, узбуджанай у дачыненьні да колішняга намесьніка старшыні Віцебскага аблвыканкаму Леаніда Кавалёва. Раней, да таго як займець высокую пасаду на Віцебшчыне, былы чыноўнік узначальваў БРСМ. У чым канкрэтна ён абвінавачваецца - дакладна не вядома. Навогул жа, уся гэтая справа пакрытая цемрай невядомасьці.

Сябры партыі КХП БНФ падалі 7 заявак на правядзеньне пікетаў за байкот ва ўсе гарадзкія адміністрацыі і атрымалі столькі ж адмоваў. Пікеты забаранілі з прычыны адсутнасьці ў заяўнікаў дамоваў са службамі, якія маюць абслугоўваць мерапрыемствы. Сытуацыю, якая склалася вакол байкатаваньня выбараў у Віцебску, пракамэнтаваў для “Дыялёгу” адзін з заяўнікаў пікетаваньняў Ян Дзяржаўцаў.

Гарадоцкі актывіст Леанід Гаравы атрымаў адказ з Цэнтарвыбаркаму на заяву аб выключэньні са складу Гагарынскай участковай камісіі №36 трох членаў, прызначэньне якіх, на яго погляд, адбылося з парушэньнямі нормаў Выбарчага кодэксу. Папера ў адказ за подпісам Лідзіі Ярмошынай прыйшла літаральна праз два дні.

Віцяблянін Сяргей Каваленка, які адбывае пакараньне ў Магілёўскай калёніі, апынуўся ў медчастцы. Туды ён трапіў наўпрост са штрафнога ізалятара, дзе адседзеў 16 сутак. Пра гэта паведаміла жонка асуджанага Алена Каваленка.