Прычыну адмовы арганізатары імпрэзы патлумачылі адсутнасьцю ў іх грошай, якія запатрабавалі міліцыянты за паслугі па ахове правапарадку падчас мітынгу.

12 сакавіка каля беларускай амбасады ў Лёндане прайшоў пікет у падтрымку грамадзяніна Вялікай Брытаніі Алана Сьміта, які адбывае тэрмін у папраўчай калёніі №3 пад Віцебскам па абвінавачаньні ў арганізацыі нелегальнай міграцыі.

На youtube зьявіўся чарговы ролік з мэтаю дыскрэдытаваць віцебскага праваабаронцу. Апублікаваны ён нібыта ад імя вядомага «лекара-праўдаруба» Ігара Пастнова, які катэгарычна адмаўляе сваю датычнасьць да гэтага.

Палітвязень Міхаіл Жамчужны, ліставаньне зь якім адсутнічала некалькі месяцаў, нарэшце атрымаў магчымасьць пісаць лісты сваім калегам, сябрам, паплечнікам і праваабаронцам. Зь ліста, які атрымала праваабаронца Тацяна Равяка, стала вядома, што Міхаіл Жамчужны з 6 студзеня адпраўлены на адзін месяц у памяшканьне камэрнага тыпу (ПКТ).

Колькі грошай і на якія расходы выдзяляецца выбарчым камісіям? Такая інфармацыя, на думку незалежных назіральнікаў, павінна публікавацца ў дзяржаўных сродках масавай інфармацыі і на афіцыйных сайтах выканаўчых камітэтаў дзеля захаваньня нормы закону пра галоснасьць выбараў. З адпаведнай прапановай выступіў назіральнік кампаніі «Праваабаронцы за свабодныя выбары» Леанід Сьвецік зь Віцебску.