Усяго ў Віцебскай вобласьці на 3218 дэпутацкіх мандатаў у абласны, раённыя, гарадзкія, пасялковыя і сельскія саветы прэтэндуюць 3453 кандыдатаў. У іх ліку 4,7% складаюць грамадзяне да 30 гадоў (161), дэпутаты дзеючага скліканьня - 51,8% (1778), жанчын - 47% (1622) і 3 грамадзяніна Расеі.

На 60 дэпутацкіх месцаў у Віцебскі абласны савет прэтэндуюць 125 кандыдатаў. Конкурс на дэпутацкі мандат склаў 2,1. Конкурс на месца ў 21 раённы савет склаў 1,1 кандыдата на месца, у гарадзкія саветы гарадоў абласнога падпарадкаваньня (Віцебск, Наваполацак) - 1,8; раённага падпарадкаваньня - 1,4; сельскія саветы - 1,0; пасялковыя Саветы - 1,1.

Ад палітычных партыяў зарэгістравана 110 кандыдатаў у дэпутаты саветаў усіх узроўняў . Пры гэтым найбольшая колькасьць вылучэнцаў зарэгістраваная ад Беларускай партыі левых "Справядлівы сьвет", Лібэральна -дэмакратычнай партыі, Аб'яднанай грамадзянскай партыі, Камуністычнай партыі Беларусі.

Адмову ў рэгістрацыі атрымалі 59 вылучэнцаў. Асноўнымі прычынамі сталі недакладнасьці подпісаў выбаршчыкаў і недакладныя зьвесткі ў дэклярацыях аб даходах.

БелТА