Жыхары Віцебшчыны атрымалі разам з поштай агітацыйную прадукцыю – каляровую паштоўку з выявай Аляксандра Лукашэнкі і ягоным подпісам на адваротным баку. Патрабаваньні да друкаванай агітацыйнай прадукцыі парушаныя, лічыць актывіст Мікалай Петрушэнка.

Пасьля трох дзён галасаваньня практычна на кожным выбарчым участку ў Віцебску прагаласавала ня менш за 15% ад агульнай колькасьці зарэгістраваных выбаршчыкаў. Штодзённы прырост, бы па камандзе, складае пяць адсоткаў, што выклікае падазрэньне ў незалежных назіральнікаў – падазрэньне таго, што на выбарах прэзыдэнта краіны рэалізоўваецца загадзя напісаны сцэнар.

Выдаленьне адбылося ў першы дзень датэрміновага галасаваньня, хоць да гэтага дня праблемаў з рэгістрацыяй і наведваньнем выбарчых участкаў не паўставала. Выдаленьне з участкаў было абгрунтаванае тым, як кіраўнікі камісіяў зразумелі партыйныя пратаколы аб вылучэньні ў назіральнікі, кажа старшыня Віцебскай абласной партыйнай арганізацыі Мікалай Селівашка.

Сустаршыня аргкамітэту па стварэньні партыі “Беларуская хрысьціянская дэмакратыя” Віталь Рымашэўскі 27 верасьня наведаў Віцебск, дзе правёў сустрэчы з актывістамі. На сустрэчах абмяркоўвалася кампанія назіраньня, пляны хрысьціянскіх дэмакратаў на найбліжэйшы час.

Пра гэта паведаміў праваабаронца Павал Левінаў, які зьяўляецца назіральнікам пры Першамайскай тэрытарыяльнай камісіі. Ён прайшоўся па ўчастковых выбарчых камісіях раёну і адзначыў, што ў належны час усе камісіі працавалі. Працавалі, праўда, толькі на аднаго кандыдата – Аляксандра Лукашэнку.