Прычым падаткавікі канфіскавалі тавар не калі прадпрымальніца яго прадавала, а калі перавозіла. Здарылася гэта 21 лютага, калі Тацьцяна Полазава вярталася з Новалукомлю ў Докшыцы.

28 лютага ў віцебскай арт-прасторы Vitebsk4Me адбылася прэзэнтацыя кнігі вершаў Алеся Плоткі “Байсан”. Чынны ўдзел у сустрэчы ўзяла й паэтка Вольга Чайкоўская, першы зборнік якой “Лупы” выйшаў яшчэ ў 2007 годзе.

Алесь Аркуш прэзэнтаваў свой новы раман „Мясцовы час” у Віцебску на Арт-базе. Традыцыйна для гэткіх імпрэзаў полацкага пісьменьніка, у сустрэчы ўзялі ўдзел музыкі, гэтым разам – лідэр рок-гурту Sumarok Ігар Палынскі і бард Стась Сілка. Вядоўцам прэзэнтацыі выступіў паэт Алесь Замкоўскі.

Пастаянная камісія Палаты прадстаўнікоў Нацыянальнага сходу Рэспублікі Беларусь па заканадаўстве, разгледзеўшы зварот віцебскага праваабаронцы Леаніда Сьвеціка, палічыла немэтазгоднай распрацоўку і зацьвярджэньне пераліку захворваньняў, пры наяўнасьці якіх можа разглядацца пытаньне аб вызваленьні хворых грамадзян ад адміністрацыйнага арышту і замене яго больш мяккімі пакараньнямі.

Становішча ўкраінскіх грамадзян, вымушаных пакінуць родны дом у сувязі з ваенным канфліктам, знаходзіцца пад увагай ня толькі той краіны, куды яны прыбываюць у пошуках мірнага жыцьця, але і розных міжнародных аб'яднаньняў і супольнасьцяў. Менавіта з гэтай мэтай прадстаўнікі ўпраўленьня Вярхоўнага камісарыяту ААН па справах уцекачоў (УВКУ ААН) і Міжнароднай арганізацыі па міграцыі (МАМ) у Рэспубліцы Беларусь прыехалі на Віцебшчыну.