Падчас маніторынгу судоў Віцебску праваабаронцам Паўлам Левінавым быў выяўлены факт – у судзе Кастрычніцкага раёну, дзе старшынём ёсьць Яўген Буруноў, чыніць правасудзьдзе судзьдзя Алена Протас, ягоная жонка.

Судзьдзя Полацкага суду не дапусьціла юрыста Свабоднага прафсаюзу абараняць інтарэсы рабочых у судовым паседжаньні. Дырэктар крамы «Аліса-Плюс» падаў у суд пазоў на трох былых работнікаў для кампэнсацыі нястачы амаль у 22 мільёны рублёў, работнікі з пазовам ня згодныя. Двое з трох былых рабочых крамы зьяўляюцца сябрамі Свабоднага прафсаюзу, але якраз у гэтым і засумнявалася судзьдзя.

Крымінальная справа паводле карупцыйнага артыкулу ўзбуджаная ў дачыненьні да кіраўніка Віцебскага аддзяленьня Беларускай чыгункі, паведамілі ў пракуратуры Віцебскай вобласьці.

2 Сакавіка споўніўся год са сьмерці Рыгора Барадуліна, апошняга паэта нашай краіны, які меў статус народнага. Рок, «ненарматыўная» лексіка і тарашкевіца, якія гучалі ў пачатку вясны ў віцебскім цэнтры народных рамёстваў «Задзьвіньне», не пакінулі абыякавым нікога.

Сустрэча прайшла пры цалкам запоўненай залі. Паэты прэзэнтавалі літаратурны часопіс "Верасень", а таксама свае апошнія выданьні, падзяліліся новымі творчымі дасягненьнямі, прачыталі і старыя папулярныя вершы і песьні.