У кватэры 28-гадовага Рамана Кузьмянкова правялі ператрус, забралі аргтэхніку і дапыталі ў сьледчым камітэце, навошта ён піша звароты ў райвыканкам, крытыкуючы мясцовыя ўлады.

Восем віцяблян сабраліся на дзень Канстытуцыі на прыватнай тэрыторыі, каб паразмаўляць аб жыцьці і космасе ды папіць гарбаты. Але празь некаторы час былі затрыманыя міліцыянтамі, дастаўленыя ў Кастрычніцкі РАУС і абвінавачаныя ў парушэньні заканадаўства аб масавых мерапрыемствах (арт. 23.34 КаАП РБ). Адміністрацыйную справу разгледзеў 19 красавіка суд Віцебскага раёну.

Да пяці гадоў пазбаўленьня волі прысуджаны прапаршчык, па віне якога на палігоне Лосьвіда пад Віцебскам пацярпеў салдат тэрміновай службы. Пра гэта паведамілі ў Віцебскім абласным судзе.

Праваабаронцам стала вядома аб зьбіцьці палітвязьня, заснавальніка праваабарончай арганізацыі «Платформ Інавэйшан» Міхаіла Жамчужнага ў горацкай папраўчай калёніі №9. 24 студзеня ахова пакінула мужчыну без нагляду ў калідоры санчасткі, дзе яго жорстка зьбіў іншы асуджаны.

Жыхарка Бабруйску Натальля А. разам з 10-гадовай дачкой прыехала ў санаторый «Расінка» у Мёрскім раёне. Жанчына нават у страшным сьне не магла ўявіць, што доўгачаканы адпачынак абернецца сур'ёзнымі праблемамі са здароўем. Натальля шукала будынак адміністрацыі, каб засяліцца. Увайшла ў адчыненыя дзьверы – і ўпала ў склеп. Цяпер 37-гадовая жанчына ляжыць у шпіталі са страсеньнем мозгу і выбітымі зубамі. Яе дачка праходзіць аздараўленьне адна, і таксама захварэла, пакуль мамы няма побач.