Ліквідацыйная вытворчасьць прадпрыемства пачалася ў жніўні 2015 году, за гэты час удалося выплаціць толькі 10% запазычанасьці па заробках.

Працэдура ліквідацыі прызнанага банкрутам Віцебскага ААТ «КІМ» прадоўжаная на 6 месяцаў, паведаміла судзьдзя эканамічнага суду Віцебскай вобласьці Ірына Фралова.

На прадпрыемстве пакуль не да канца разабраліся зь нерухомасьцю. Паводле слоў антыкрызыснага кіраўніка Паўла Зайца, усяго на асноўнай вытворчай пляцоўцы знаходзіцца 54 аб'екты нерухомасьці. Пасьля завяршэньня іх рэгістрацыі і ацэнкі трэба будзе падрыхтаваць праект рэалізацыі маёмасьці праз аўкцыён, піша ej.by.

На гэты момант вырашана перадаць два інтэрнаты, якія знаходзяцца на балянсе ААТ, у гарадзкую камунальную ўласнасьць. выстаўленая на аўкцыён загарадная база адпачынку «Чайка». А таксама завяршаецца ацэнка ліквіднага абсталяваньня для наступнай рэалізацыі.

Яшчэ наперадзе вялікі аб'ём працы для спагнаньня дэбіторскай запазычанасьці, якая перавышае 15 тысяч рублёў, адзначыў Павал Заяц.

Паводле яго слоў, за пэрыяд ліквідацыі ўдалося выплаціць толькі блізу 10% запазычанасьці ў заробках. Пры гэтым больш за 100 конкурсных крэдытораў заявілі патрабаваньні на 17 мільёнаў рублёў.

Вытворчасьць у справе аб банкруцтве «КІМ» распачатая ў лютым 2015 году з ініцыятывы самога вінавайцы.

charter97.org