8 верасьня ў гонар 504-х угодак Аршанскай бітвы мясцовыя актывісты ўсклалі кветкі да памятных знакаў. Як і ва ўсе апошнія гады, імпрэзу зладзілі выключна добраахвотнікі: мясцовыя улады ігнаруюць гістарычнае месца, дзе ў 1514 годзе войска ВКЛ разьбіла значна большае маскоўскае.

Мясцовыя актывісты ўсклалі кветкі да памятных знакаў, узгадалі славутую перамогу ды памянулі загінулых.

Бітва пад Воршаю ў час маскоўска-літоўскай вайны паміж войскамі Вялікага княства Літоўскага і Вялікага княства Маскоўскага адбылася 8 верасьня 1514 году і скончылася перамогай ВКЛ.

Гэтая перамога была самай значнай перамогай войска ВКЛ над расейскім і атрымала шырокі розгалас у тагачаснай Эўропе, а таксама знайшла трывалы адбітак у беларускай культуры.

ВС, belsat.eu
Фота: Віктар Старавойтаў