Генэральная пракуратура не пажадала бясплатна разглядаць скаргу Свабоднага прафсаюзу Беларускага (СПБ) на парушэньне правоў і свабод рабочых полацкага заводу «Шкловалакно». Начальнік аддзелу па наглядзе за выкананьнем правоў і свабод грамадзян Марына Папова прапанавала прафсаюзу заплаціць пошліну ў 2 базавыя велічыні - тады генэральная пракуратура, мабыць, зробіць ласку разгледзець скаргу па сутнасьці.

16 жніўня ў судзе гораду Наваполацку распачаўся разгляд крымінальнай справы, заведзенай на сына бабруйскага блогера Алега Жалнова – Аляксея Мілюкова (Жалнова), які адбывае трохгадовае пакараньне ў Наваполацкай папраўчай установе адкрытага тыпу №15.

Дом № 39 па вуліцы Ніжне-Пакроўскай у Полацку ў самым цэнтры. І ня толькі гораду. Літаральна ў сотні мэтраў ад яго знаходзіцца памятны знак «Полацак – геаграфічны цэнтар Эўропы». Гэтую славутасьць турыстам імкнуцца паказаць. А вось у двор згаданага шматпавярховіка ім, мабыць, лепш не зазіраць. Пасьля таго як тры гады таму прадпрыемства «ЖКГ г. Полацку» ўстанавіла там кантэйнэрную пляцоўку для збору сьмецьця, нават мясцовыя адчуваюць сябе некамфортна...

Жыхары вёскі Стаўры атрымалі магчымасьць карыстацца прыгарадным аўтобусам. Цяпер аўтобус Ворша – Барздоўка тры разы на тыдзень ходзіць праз Стаўры. Дамагліся гэтага самі жыхары вёскі, накіраваўшы ў аўтапарк калектыўны зварот.

Дэпутата Мікалая Качаноўскага прыцягнулі да дысцыплінарнай і адміністрацыйнай адказнасьці за несвоечасовы адказ на зварот выбаршчыка. Качаноўскі зьяўляецца былым дырэктарам ААТ «Полацак-Шкловалакно». Пасьля звальненьня ён працягвае выконваць абавязкі дэпутата двух саветаў: Полацкага раённага і Віцебскага абласнога.