Дзясяткі прадпрымальнікаў выйшлі на акцыю пратэсту на Цэнтральным рынку ў Воршы. Пратэстоўцы трымалі плякаты «Працу прадпрымальнікам» і «Скасаваць указ №222». У сваёй заяве прадпрымальнікі падкрэсьлілі: «Мы паказваем усім, што мы не ў «адпачынках», а патрабуем скасаваць указ №222. Паглядзіце, колькі людзей сабралася!»

Відэа са стыхійнага мітынгу ІП у Воршы апублікаваў у Facebook лідэр рэспубліканскага грамадзкага аб'яднаньня «Пэрспэктыва» Анатоль Шумчанка. «Прадпрымальнікі Воршы адказалі намесьніку міністра гандлю Карповічу на яго хлусьлівае выказваньне аб навагодніх калядных вакацыях ІП», – напісаў Анатоль Шумчанка ў камэнтары да відэа.

З 1 студзені 2016 году беларускія ІП масава спынілі гандаль. З гэтай даты, згодна з указам Лукашэнкі №222, прадпрымальнікі ня могуць прадаваць тавары лёгкай прамысловасьці, увезеныя з краін Мытнага зьвязу, без сэртыфікатаў. Да 1 студзеня 2016 году ім давалася права рэалізаваць рэшткі тавараў, увезеных да 1 ліпеня 2014 году ў Беларусь без суправаджальных дакумэнтаў, паводле зарэгістраваных у падатковых органах вопісаў рэшткаў.

charter97.org