Пікеты, заяўкі на правядзеньне якіх Павал Левінаў падаваў у адміністрацыі Чыгуначнага і Першамайскага раёнаў Віцебску, мусілі прайсьці 10 сьнежня, у Міжнародны дзень правоў чалавека. Улады забаранілі іх, нягледзячы на тое, што працягласьць кожнай зь дзьвюх акцыяў, у адпаведнасьці з заяўкамі, складала б толькі... адну сэкунду.

26 лістапада беларусы адсьвяткавалі 85-я ўгодкі з дня народзін пісьменьніка Ўладзімера Караткевіча. Кожны, хто прыгадаў чарговую гадавіну, адзначаў яе па-свойму, але той пашаны і ўдзячнасьці, якой заслугоўвае Ўладзімер Сямёнавіч, ягоныя сваякі і прыхільнікі так і не дачакаліся.

На полацкам вытворчым аб’яднаньні “Полацак-Шкловалакно” ствараецца адзіная прафсаюзная камісія для падпісаньня калектыўнай дамовы з адміністрацыяй. Чальцы суполкі Свабоднага прафсаюзу, якая дзейнічае на прадпрыемстве, ужо вызначыліся з асобай, якая будзе іх прадстаўляць у гэтай камісіі.

Восеньскі прызыў ва Ўзброеныя Сілы Рэспублікі Беларусь у самым разгары. Менавіта ўвосень прызываецца дзьве траціны беларускіх маладзёнаў, апошнія зь якіх 30 лістапада мусяць трапіць у вайсковыя часткі.

Адміністрацыя калёніі №14, што знаходзіцца на станцыі Навасады Барысаўскага раёну Менскай вобласьці, перавяла праваабаронцу Міхаіла Жамчужнага ў атрад №18. Пра гэта вязень паведаміў у чарговым лісьце віцебскаму праваабаронцу Леаніду Сьвеціку.