Страйк прадпрымальнікаў, што гандлююць таварамі, на якія неабходная сертыфікацыя, праходзіць у Віцебску. На Смаленскім рынку зачынена каля 80% ралетных шапікаў, прыкладна столькі ж - на Паўднёвым, больш за палову - на Полацкім. Патрабаваньне - адмяніць сэртыфікацыю тавараў, якая прынясе прадпрымальнікам велізарныя страты і прымусіць многіх сысьці з дробнага бізнэсу.

Спроба ўраду зьмякчыць сытуацыю, адклаўшы тэрмін увядзеньня сэртыфікацыі да лістапада, прадпрымальнікаў не задавальняе. Па-першае, яны так і не дачакаліся гэтага дакумэнту; па-другое, гэта азначае, што бізнэс памрэ, але толькі не цяпер, а празь некалькі месяцаў.

Прадпрымальнікі Полацкага рынку збольшага ліпеньскі падатак заплацілі, але кажуць, што працягнуць страйк і заўтра. На Смаленскім рынку многія ня сталі плаціць падатак на ліпень. Зараз там праходзіць сход, на якім выпрацоўваецца плян агульных дзеяньняў.

Віцебскі кур’ер