Пачаўся 20 год праўленьня Аляксандра Лукашэнкі, якога цывілізаваны сьвет называе апошнім дыктатарам Эўропы. На думку палітвязьня Паўла Севярынца, Лукашэнка – прыхільнік падфарбаванага сталінізму, а цяперашняя Беларусь – гэта самы буйны аскепак імпэрыі СССР.

Павал Севярынец: “Страцілі шанцы хутка правесьці пераўтварэньні ў грамадзтве, палітычныя і эканамічныя рэформы, страцілі шанец на мадэрнізацыю Беларусі, каб жыць па-людзку і па-боску. Таму што Лукашэнка - той жа самы камуністычны рэжым у новай упакоўцы, таму што Лукашэнка – гэта адсталасьць, Лукашэнка – гэта імпэрская сьвядомасьць. На жаль, мы страцілі шмат часу, мы страцілі шмат шанцаў. Таксама, і гэта вельмі важна, мы страцілі амаль мільён беларусаў за гэтыя 19 гадоў”.

Павал Севярынец адбывае трохгадовы тэрмін у спэцкамэндатуры № 7 у вёсцы Куплін Пружанскага раёну за ўдзел у Плошчы - 2010.

Радыё Рацыя