Паводле судовых матэрыялаў, канфлікт паміж бакамі пачаўся 22 ліпеня, калі старшыня Бабініцкага сельвыканкаму (Аршанскі раён) Марына Мацьвеева прыехала ў вёску Стаўры разам з двума сваімі падначаленымі. Далей паказаньні бакоў разыходзяцца.

Грышанаў сьцьвярджае, што Мацьвеева ўручыла яму адказ на ранейшы зварот і пасьля гэтага разам з адным з работнікаў пачатку абражаць, работнік жа пры гэтым пагражаў яму фізычнай расправай. Мацьвеева сьцьвярджае, што абражаць і пагражаць ёй стаў Грышанаў.

Пры гэтым пацьвердзіць альбо абвергнуць факт абразаў маглі толькі ангажаваныя ў працэс Грышанаў, Мацьвеева і адзін сьведка, які па працы зьяўляецца падначаленым Мацьвеевай.

Адвакат Грышанава палічыў, што на гэтых спрэчных паказаньнях факт абразы ня можа быць даказаны, але судзьдзя Іна Кохава ўсё ж вынесла пастанову: штраф Ігару Грышанаву ў 5 базавых велічынь.

orsha.eu