«Вылучыце зямельныя ўчасткі для арганізацыі пляцовак для гульні ў лязэртаг і вяровачнага парку на дрэвах у парку "Мазурына"» - так называецца пэтыцыя, пад якой зьбіраюць подпісы інтэрнэт-карыстальнікаў.

Па выніках студзеня-жніўня 2014 году Віцебшчына заняла апошняе месца ў краіне па будаўніцтве жытла. За восем месяцаў бягучага году арганізацыямі Віцебшчыны ўсіх формаў уласнасьці пабудавана 3 тыс. новых кватэр (у студзені-жніўні 2013 году - 2,1 тыс. кватэр). Уведзена ў эксплёатацыю 221,8 тыс. квадратных мэтраў агульнай плошчы жытла, што складае 54,1% да прадугледжанага заданьня на год і 127% да ўзроўню студзеня-жніўня 2013 году, паведамляе Нацыянальны статыстычны камітэт.

Праверка Камітэту дзяржаўнага кантролю і пракуратуры Віцебскай вобласьці выявіла ў дзяржаўнай лесагаспадарчай установе "Лёзьненскі лясгас" грубыя парушэньні патрабаваньняў ляснога заканадаўства пры ажыцьцяўленьні нарыхтоўкі драўніны, а таксама факты безгаспадарчасьці. Пра гэта паведамілі ў прэс-службе Камітэту дзяржаўнага кантролю Беларусі.

19 верасьня кіраўнік Беларусі наведаў ільнопрадпрыемствы ў Аршанскім раёне. Ён заявіў, што трэба адрадзіць ранейшую славу беларускага лёну: "Мы ўмеем працаваць зь лёнам, вырабляць зь яго тканіны, і страціць гэтую школу нельга, мы папросту ня маем на гэта права".

Прыбіральшчыцы з заробкам у 1,3 мільёна могуць не працягнуць кантракт у мясцовай ЖКГ. Аксана ўладкавалася на працу ў мясцовую жыльлёва-камунальную гаспадарку 4 гады таму. Паводле слоў жанчыны, першапачаткова ў яе абавязкі ўваходзіла прыборка пад'ездаў шматпавярховікаў, але ў выніку яе пачалі скіроўваць і ў калгас, і на прыборку гарадзкога сьметніку.