Былы кіраўнік БТ Аляксандар Зімоўскі, які пасьля сваёй адстаўкі трывала асеў ў Расеі, ня верыць у магчымасьць датычнасьці беларускай апазыцыі да выбуху ля будынку віцебскага КДБ. Як лічыць экспэрт, гэтыя “сыгналы нацыянальнаму лідэру” зыходзяць ад беларускіх сілавікоў.

Канцэрн «Белнафтахім» зацьвердзіў новыя кошты на бэнзін і дызэльнае паліва. Розьнічныя цэны павялічыліся ў сярэднім на 5%.

Пяць партыяў і рухаў выступілі сёньня з супольнай заявай наконт выбарчай кампаніі у Палату прадстаўнікоў. Заяву падпісалі прадстаўнікі Партыі БНФ, сацыял-дэмакратычнай партыі «Грамада», партыі левых «Справядлівы сьвет», грамадзкага аб’яднаньня «Рух «За Свабоду» і аргкамітэту па стварэньні грамадзкага аб’яднаньня «Гавары праўду».

15 верасьня на пазачарговым зьезьдзе Партыя БНФ прыняла рашэньне аб зьняцьці сваіх кандыдатаў у дэпутаты, паведамляе “Вясна”.

Зь легендарным віцебскім апазыцыянэрам і распаўсюднікам незалежнай прэсы Барысам Хамайдам “Дыялёг” пасьпеў паразмаўляць яшчэ да таго, як нашаму суразмоўцу прыйшлося бараніць сваю “цытадэль” ад нападак загадчыцы прадуктовай крамы “Веста”.