Першы намесьнік Вярхоўнага суду Рэспублікі Беларусь Валер Калінковіч адмовіўся разглядаць зварот віцебскага доктара Ігара Пастнова з-за таго, што ў звароце, на думку судзьдзі, прысутнічаюць абразьлівыя словы і выразы.

У Полацку 28 красавіка адбыўся пікет Свабоднага прафсаюзу Беларускага (СПБ) рабочых заводу «Шкловалакно». Сябры прафсаюзу выказалі пратэст супраць парушэньня наймальнікам працоўнага заканадаўства. Пасьля завяршэньня пікету ў пад'езьдзе каля сваёй кватэры быў затрыманы Мікалай Шарах, намесьнік старшыні прафсаюзу СПБ.

Прапанову пра перанос сталіцы ў Полацак кіраўніцтва Таварыства беларускай мовы абгрунтавала ў лісьце, накіраваным у сакавіку ў Міністэрства юстыцыі Рэспублікі Беларусь.

21 красавіка ў віцебскім арт-пабе “Torvald” прайшла публічная лекцыя аднаго з аўтараў сталічнага альманаху “Гарадзкія тактыкі”, кандыдата культуралёгіі Аляксея Крывалапа. Лекцыя пад назовам “Зялёны горад” была прысьвечаная ўрбаністычнаму сьветапогляду і ўрбаністычным праблемам.

Размова адбылася вострая: аршанскія прадстаўнікі апазыцыйных партыяў і рухаў цалкам падтрымліваюць ідэю аб’яднаньня дэмакратычных сілаў, аднак вінавацяць у адсутнасьці кансалідацыі кіраўнікоў рэспубліканскіх структур.