Днём 18 чэрвеня ў Віцебску на плошчы Перамогі актывісты байкерскага руху дэманстравалі жыхарам «паўночнай сталіцы» сябе і сваю тэхніку. Гэтая акцыя была ініцыяваная віцебскімі матацыклістамі ў межах зьлёту байкераў, які праходзіў у адным з санаторыяў пад Віцебскам.

14 чэрвеня ў арт-прасторы «Vzar» адкрыўся плякатны варыянт перасоўнай выставы «Жыць ці пісаць. Апавяданьні Варлама Шаламава». У імпрэзе ўзяў удзел кіраўнік праекту, дацэнт факультэту сацыяльнай псыхалёгіі Маскоўскага дзяржаўнага псыхоляга-пэдагагічнага ўнівэрсытэту, кандыдат філязофскіх навук Сяргей Салаўёў.

Да 2030 году Браслаўскі раён павінен стаць першым кліматычна нэўтральным муніцыпалітэтам у Беларусі, паведаміў на прэс-канфэрэнцыі ў Менску 6 чэрвеня кіраўнік праекту Дзьмітры Буронкін.

Віцяблянін Андрэй Кешанюк перакананы: супраць гэтага помніка гатовыя пратэставаць многія, і землякам трэба даць магчымасьць праявіць сваю пазыцыю. Заклік падпісацца супраць помніка Аляксандру Неўскаму, які хочуць усталяваць у гістарычным цэнтры Віцебску, спадар Андрэй разьмясьціў у Фэйсбуку на старонцы «Віцебск - вольны горад! Гарадзкое самакіраваньне!»

Набыў моц прысуд забойцу, які застрэліў егера на вачох у жонкі і сына. Трагедыя адбылася летам 2015 году ў аграгарадку Цьвеціна Мёрскага раёну. Жывёлагадовец Сяргей Чэрап прыйшоў дадому да Івана Саковіча, папрасіў выйсьці яго жонку і са словамі «усіх перастраляю» зарадзіў дубальтоўку. Калі гаспадар з сынам выбеглі на ганак, п'яны госьць крыкнуў: "Вось ты-то мне і патрэбен!» - і ва ўпор застрэліў егера.