Прычына забароны акцыі, заяўку на правядзеньне якой падавалі віцебскія сябры КХП-БНФ, традыцыйная. Намесьнік старшыні Віцебскага гарвыканкаму Дзьмітры Шэрыкаў забараніў вулічнае шэсьце, спаслаўшыся на адсутнасьць у заяўнікаў дамоваў на яго абслугоўваньне камунальнікамі, мэдыкамі і міліцыянтамі.

Не зважаючы на тое, што чатыры чалавекі ўжо пажадалі збудаваць свае дамы на вуліцы імя Рыгора Барадуліна, пакуль вам, бадай, не пашчасьціць адшукаць хоць нейкія яе прыкметы, бо існуе яна толькі на паперы. Да таго ж ніводзін з апытаных мясцовых жыхароў так і ня здолеў больш-менш дакладна акрэсьліць межы будучай прыватнай катэджнай забудовы Арэхава, дзе яна і мусіць матэрыялізавацца.

Чытач charter97.org распавёў аб праблемах зь ліхтарамі ў яго горадзе: «У горадзе Сянно Віцебскай вобласьці адключанае вулічнае асьвятленьне амаль на ўсю ноч. Кіраўніцтва раёну спасылаецца на брак грошай. Кажуць, што яны такім чынам спрабуюць на жыхарах раёну зэканоміць грошы. Бо старшыня райвыканкаму і дырэктар ЖКГ нядаўна разьбілі новыя машыны, якія неабходна рамантаваць», – піша чытач.

Найбольш істотныя парушэньні прыродаахоўнага заканадаўства ў водаахоўных зонах і прыбярэжных палосах дапускаюць прадпрыемствы аграпрамысловага комплексу, якія маюць жывёлагадоўчыя аб'екты. Пра гэта паведаміла старшая памочніца пракурору раёну Натальля Барысенка па выніках праверкі сумесна з супрацоўнікамі міжраённай інспэкцыі аховы жывёльнага і расьліннага сьвету.

"Ня хочуць і ня могуць", - да такой высновы прыйшла каардынатарка аргкамітэту па стварэньні партыі "Беларуская хрысьціянская дэмакратыя” Тацьцяна Севярынец, калі атрымала ліст з аддзелу архітэктуры і горадабудаўніцтва на свой электронны зварот у Віцебскі гарвыканкам наконт дарожак для ровараў.