Ваенны камісар Віцебскай вобласьці Ігар Мартынаў падзяліўся з журналістамі інфармацыяй наконт плянаў падразьдзяленьня, якое ён ўзначальвае, на маючы адбыцца восеньскі прызыў. Не абмінуў ён і ўказ кіраўніка дзяржавы «Аб альтэрнатыўнай службе».
На думку Мартынава, гэты закон неабходны, бо ён – гарантыя прызыўнікам, што іх канстытуцыйнае права на замену вайсковай службы альтэрнатыўнай будзе рэалізаванае. Таксама згаданы ўказ – сьведчаньне сацыяльнага курсу нашай краіны. Згодна з папярэднімі зьвесткамі, за маючы адбыцца восеньскі прызыў з магчымасьці альтэрнатыўнай службы скарыстаюцца недзе 10 чалавек.
Вось яшчэ, што распавёў ваенны камісар Віцебскай вобласьці:
Летась у вобласьці адбылася рэарганізацыя некаторых вайсовых камісарыятаў. Гэта, у сваю чаргу, паспрыяла зьніжэньню выдаткаў на ўтрыманьне будынкаў і службовых памяшканьняў, скарачэньню аб'ёму дакумэнтазвароту, а таксама памяншэньню колькасьці вайскоўцаў і абслугоўваючага пэрсаналу.
Палкоўнік адзначыў, што ўсе зьмены мелі дачыненьне толькі да тых раённых падразьдзяленьняў, дзе ваеннаабавязаныя і прызыўнікі складалі неістотную колькасьць, і яны знаходзіліся ў складзе шасьці аб'яднаных вайсковых камісарыятаў.
Што тычыцца правядзеньня прызыўных кампаніяў, то, паводле словаў Ігара Мартынава, некаторыя цяжкасьці, адмоўныя чыньнікі і акалічнасьці, якія ўплываюць на якасьць праводзімых мерапрыемстваў, вядома, прысутнічаюць. Напрыклад, пагаршаецца стан здароўя маладых людзей, якія пражываюць у рэгіёне. Толькі палова зь іх прызнаецца прыдатнай да таго, каб праходзіць вайсковую службу. Ёсьць і такія прызыўнікі, якія папросту ігнаруюць заканадаўства, што да выкананьня сваіх абавязкаў паводле Канстытуцыі. Так, у мінулы прызыў колькасьць ухілістаў пераваліла за 100, і кожны зь іх адкажа за сваю недысцыплінаванасьць.
Тым ня менш, адзначыў Ігар Мартынаў, прафэсія абаронцы Айчыны становіцца ўсё больш папулярнай. Летась дакумэнты ў ВНУ, дзе рыхтуюць спэцыялістаў для войска, прынесьлі каля 310 чалавек, сёлета – больш за 475. Вядома, ня ўсе з тых, хто падаў заявы, прайшлі прафэсійны адбор, аднак самі лічбы кажуць вельмі шмат пра што. Палкоўнік зрабіў націск таксама на цікаўнасьці да афіцэрскай службы прыўкраснага полу (за гэтае лета – 57 заяваў).
Ваенны камісар падкрэсьліў, што асаблівая ўвага ў вобласьці надаецца падрыхтоўцы і назапашваньню ў запасе спэцыялістаў, патрэбных для таго, каб ва ўзброеных сілах, іншых войсках і вайсковых фармаваньнях было якаснае камплектаваньне. Націск робіцца на афіцэрах запасу, якія маюць вышэйшую ваенную адукацыю або тых, хто прайшоў вайсковую службу.
Што тычыцца выхаваўча-патрыятычнай працы, якая праводзіцца ваенкаматамі, дык тут Мартынаў адзначыў ушанаваньне памяці абаронцаў Айчыны і ахвяраў войнаў. Прыкладам, дзякуючы вывучэньню архіваў спэцыялісты даведаліся пра 245 новых імёнаў вайскоўцаў, якія загінулі і пахаваныя ў рэгіёне.
