25 верасьня на дошках абвестак ля пад'ездаў дамоў, на прыпынках грамадзкага транспарту, у публічных месцах Віцебску зьявіліся налепкі з заклікам: "Свабоду Алесю Бяляцкаму!". Гэтак мясцовыя актывісты прыцягнулі ўвагу жыхароў гораду над Дзьвіной да праблемы палітвязьняў, а таксама павіншвалі выбітнага беларускага праваабаронцу зь юбілеем - у гэты дзень яму споўнілася 50 гадоў.

Кіраўнік праваабарончага цэнтру "Вясна", намінант на Нобэлеўскую прэмію міру Алесь Бяляцкі знаходзіцца за кратамі са жніўня 2011 году. Віцебскія актывісты шматкроць спрабавалі зладзіць пікеты салідарнасьці з праваабаронцам-палітвязьнем, але ўлады кожны з гэтых пікетаў забаранілі. Гэтым разам праваабаронцы, калегі Алеся Бяляцкага, і проста неабыякавыя людзі вырашылі, што няма сэнсу прасіць дазволу ва ўладаў, і правялі акцыю, прымеркаваную да яго дня народзінаў, не запытваючыся якіх-кольвек дазволаў.

"За правы чалавека"