Стварэньне Эўразійскай эканамічнай камісіі акажа ўплыў як на ўнутраную, так і на зьнешнюю палітыку Беларусі. Пра гэта заявіў міністар замежных спраў рэспублікі Сяргей Мартынаў на сэмінары кіраўнікоў беларускіх замежных устаноў, які праходзіць у панядзелак у Менску. «Упершыню створаны наднацыянальны ворган (Эўразійская эканамічная камісія), якому дэлегаваная частка паўнамоцтваў дзяржавы, частка сувэрэнітэту.

Гэтыя падзеі будуць закранаць ў далейшым знешнепалітычныя і знешнеэканамічныя прыярытэты нашай краіны », - цытуе словы палітыка «Інтэрфакс».