На выставе ў Талінскай цэнтральнай бібліятэцы паказваюць самую вядомую сэрыю габэленаў Баранкоўскай, прысьвечаную дзеячам беларускай культуры.

Выставу ладзіць Беларускі цэнтар у Эстоніі. Арганізатары абяцаюць эстонцам, што падчас экскурсыі, яны разьвеюць міты савецкай і расейскай імпэрскай прапаганды.

Апроч ткацкіх работ Баранкоўскай, на беларускай выставе ў Таліне паказваюць рэдкія кнігі з фонду Грамадзкай бібліятэкі беларускай літаратуры імя Уладзімера Караткевіча. Сярод кніг – і нядаўна выдадзеныя ў незалежным выдавецтве “Галіяфы”.

Трэцяя частка экспазыцыі – гэта вырабы вучняў і падручнікі Нядзельнай школы беларускай культуры ў Таліне імя Караткевіча.    

Прэзэнтуецца таксама сэрыя “Гэральдыка Беларусі” – працы, выкананыя навучэнцамі нядзельнай школы.

Выстава ставіць мэтаю бліжэй пазнаёміць эстонцаў з культурай Беларусі, паведамляе bublik.delfi.ee.